Маңғыстау облысына Ираннан 53 қандас келді

15 қыркүйекте Маңғыстау облысына Ираннан 53 қандас келді.

Бұл туралы Orda.kz хабарлайды.

– Иран Ислам Республикасы, Горган қаласынан 53 қандас келді. Олар Ақтау қаласында 2-3 күн уақытша жатақханада болады деп жоспарлануда. Оларға барлық жағдай жасалған, кейін олар Нұр-Сұлтан арқылы Солтүстік Қазақстан облысына тұрақты жерге барады, - деді Ақтау қаласы әкімінің орынбасары Әбілқайыр Байпақов.

Айта кету керек, облысқа келген 53 адамның 25-і балалар. Облысқа барлығы 20 отбасы келді.

– Мен өзім Түрікменстанда тудым. Бірақ жұмысқа байланысты Божнурдқа кетуге мәжбүр болды. Мен және менің отбасым тарихи отанымызға оралдық, біз бақыттымыз. Жылы қабақ танытқандарыңызға көп рахмет, - деді Хадиша Адай.

Ираннан қоныс аударған отандастар мемлекеттік квотаның арқасында Солтүстік Қазақстан облысына қоныстанатын болады.