Маңғыстау облысы әкімінің орынбасары Ниязов қамауға алынды

Қаржы мониторингі агенттігі Маңғыстау облысы әкімінің орынбасары Ғалымжан Ниязовтың ұсталғанын растады

 inAktau.kz мәліметіне сәйкес, сот Ғалымжан Ниязовқа қатысты екі айға қамауға алу түріндегі бұлтартпау шарасын тағайындады.

– «Ниязов қызметтік өкілеттігін асыра пайдаланды» деген күдікпен сотқа дейінгі тергеу шаралары аясында ұсталды, - деп хабарлады Маңғыстау облысы бойынша Экономикалық тергеу департаменті.

Қазір тергеу амалдары жүргізілуде. Тергеу мүддесіне қатысты басқа мәліметтер жарияланбайды. Еске салайық, 2021 жылдың желтоқсанында Атырау облысы әкімінің орынбасары Бақытгүл Хаменова пара алды деген күдікпен ұсталған болатын.