Маңғыстау облысында ақбөкендер үйірі шұңқырға түсіп кетті

Маңғыстауда шұңқырға түсіп кеткен ақбөкен үйірі құтқарылды.  

Бұл туралы Orda.kz InAktay порталына сілтеме жасап хабарлайды.

Жануарлардың бейнежазбасы әлеуметтік желіде 15 қыркүйек күні пайда болды. Ақбөкен үйірі қазылған орға түсіп кеткен. Аймақтың қамқор тұрғындары шошынған ақбөкендерді шығаруға көмектесті.

Айта кетейік, ақбөкендер Халықаралық Қызыл кітапқа жойылып кету қаупі төнген жануар ретінде енгізілген. Қазақстанда киіктер мемлекет қорғауында.

Қазақстандық биоалуантүрлілікті сақтау қауымдастығының мәліметі бойынша, 2019 жылғы авиациялық зерттеу Қазақстандағы киіктердің жалпы саны 334 400 басқа жеткенін көрсетті, оның ішінде Бетпақдала популяциясы - 111 500, Оралда - 217 000 және Үстіртте - 5900 болады.