Мәжіліс отырысында Нығматулин Бейбіт Атамқұловқа шүйлікті
Бүгін мәжіліс отырысында «Өнеркәсіптік саясат туралы» заң жобасы бірінші оқылымда талқыға салынды. Депутат Арман Қожахметов индустрия және инфрақұрылымдық даму министрі Бейбіт Атамқұловқа сауал жолдады. Бірақ Атамқұловтың жауабы Нұрлан Нығматулинді қанағаттандырмады.
Бұл туралы Orda.kz хабарлады.
Арман Қожахметов Бейбіт Атамқұловтан өңдеуші кәсіпорындарды отандық шикізатпен қамтамасыз ету туралы сұрады.
Қожахметовтың айтуынша, жаңа заң жобасы индустрия және инфрақұрылымдық даму министрлігіне өңдеуші өнеркәсіп кәсіпорындарын шикізатпен қамтамасыз ету ережелерін бекіту құзыретін береді.
Ең қызығы, мұндай ереже заң жобасында айтылмаған.
– Сол себепті өнеркәсіп кәсіпорындарын отандық шикізатпен қамтамасыз ету үшін ережелерде қандай критерийлер енгізіледі? Осыны түсіндіріп беріңізші, - деді Арман Қожахметов.
Министр Атамқұлов бұл ереже отандық кәсіпкерлердің өтінішімен енгізілгенін айтты. Бірақ осы тұста Нығматулин оның сөзін бөлді.
– Бейбіт Бәкірұлы, сіздің қойылған сұраққа жауап бермей, өзіңіз білетін тақырыпта ғана сөйлей беретін таңғаларлық қасиетіңіз бар. Қазір сізге басқа сұрақ қойылып тұр. Өңдеуші кәсіпорындарды шикізатпен қамтамасыз ету қағидалары мен ережелері заң жобасында жазылуы керек. Министр ретінде өзіңіз осымен келісесіз бе? - деді Нұрлан Нығматулин.
Министр оның сөзімен келісті.
– Шынымен де бұл жерде ертең адами фактор рөл ойнауы мүмкін, - деді министр.
Нұрлан Нығматулин шенеуніктер кәсіпорындарға қысым көрсетпеу үшін критерийлер мен принциптерді бекіту керектігін айтты. Жаңа жобада – мемлекеттік қолдау шараларын алушы кәсіпорындар үшін қарсы міндеттемелерді белгілеу жаңашылдықтардың бірі болып келеді. Демек, мемлекет инвестицияланған ақшадан нақты нәтиже күтуге құқылы.
– Мәселен, мемлекеттен қолдау күткен кәсіпкер, өз бизнесін қалай жоспарлайды? Өйткені, ол өзінен не талап етілетінін білмейді ғой. Осы заң жобасының үкіметтік нұсқасында да анық көрсетіліп тұр. Кәсіпкер қатаң талаптан құтылу үшін шенеуніктің алдына барып, өтініш жасауына тура келеді. Әрі қарай түсінікті. Шенеунікке ешқандай бақылаусыз шешім қабылдауға мүмкіндік беріледі, бірден сыбайластық құқықбұзушылыққа жол ашады. Сондықтан, бұл норманы үкіметтік нұсқа бойынша қалдыруға болмайды, - деді Нығматулин.
Сондай-ақ, ол көмек сұраған кәсіпкерлерге талапты қатаңдатуға болмайтынын айтты. Заң жобасына екінші оқылымға дейін жұмыс тобына жауапты министрлікпен бірге тиісті толықтырулар енгізілу керектігін баса айтты.
Жаңалықтар
- Еліміздегі су тасқынынан зардап шеккендерге 8,5 млрд теңге төленді
- Президент Әкімшілігінің басшысы мемлекетке қайтарылған заңсыз мүліктің қайда жіберілетінін айтты
- Атырау облысында төртінші күннен бері қорғаныс бөгеттері «көп суды» ұстап тұр
- Мемлекеттен 1,5 миллионға жуық қаржы тегін беріледі
- Қазақстанның 12 қаласында жылу желілері 60%-дан 91%-ға дейін тозған
- Сәуір айында жаңа баспананың бағасы төмендеді
- БҰҰ Бас ассамблеясы палестиналықтардың ұйымға мүшелігін мойындады
- Балқашта 9 мамырды тойлау кезінде таңғаларлық оқиға болды
- Алматыда жаңбыр жауады: Қазгидромет салдары болуы мүмкін екенін ескертеді
- Қазақстанда несиеге тәуелділікпен күрес әлі нәтиже бермей отыр
- Сербия Қазақстанға 1 млн еуро беріп, көмектесті
- Ақтауда газ құбыры жарылды
- Құрылыс және сәулет басқармасының басшысы пара алғаны үшін 3,5 жылға сотталды
- Қазақстанда алғаш рет әйелдер экипажы ұшты
- Қазақстанда жол көлік оқиғаларынан кейін техникалық байқаудың күшін жою ұсынылды
- Тоқаев «Экономиканы либеразациялау шаралары» туралы жарлыққа қол қойды
- Қытай вице-премьері Қазақстанға келеді
- Түрмедегі белсенді Әйгерім Тілеужанның қан қысымы жоғарылап, оң жақ беті жансыздана бастаған
- Қысқа дайындық басталды: үкімет жылу электр орталықтарын жөндеуге ақша бөлуді көздеп отыр
- Журналистер VS Сәтқалиев. Шын мәнінде кім кінәлі?