Мәжіліс депутаттарының жалақысы белгілі болды

Жетінші шақырылған Қазақстан Парламент Мәжілісі депутаттарының жалақысы 550 мың теңге мен 800 мың теңге аралығында. Бұл ақпаратты Tengrinews.kz сайты хабарлады.

Сайт бұл деректі Қазақстан Президенті іс басқармасын материалдық-техникалық қамтамасыз ету бақсармасынан алған.

Басқарма мәліметінше, депутаттарға жалақы жұмыс өтіліне байланысты 550 мың теңге мен 800 мың теңге арасында төленеді.

Мәжіліс — парламенттің төменгі палатасы. Ал парламент — заң шығару билігін жүзеге асыратын Қазақстанның ең жоғары өкілдік органы. Мәжіліс депутаттарын тамақпен, баспанамен, көлікпен мемлекет қамтамасыз етеді.

Қазақстанда 10 қаңтарда өткен парламент сайлауының ресми қорытындысы бойынша, мәжіліске бұрынғы үш партия өтті. Олар: елді 30 жылға жуық үздіксіз билеген экс-президент Нұрсұлтан Назарбаевтың «Нұр Отан» партиясы, билікшіл «Ақ жол» және «Қазақстан халық партиясы».