Мәскеуліктер Ұлы Абай ескерткішін дәретханаға айналдырды

Бұрынғы депутат Тәңірберген Бердоңғаров әлеуметтік желідегі парақшасында Қазақстанның Ресейдегі елшілігіне үндеу жасады.

Бұл туралы Orda.kz хабарлады.

– Біз Ресей Федерациясындағы Қазақстан Республикасының Елшілігінен ескерткіш маңына кезекші полиция қызметкерін қоюды сұраймыз. Чистый пруд аллеясы кешке қарай маскүнемдердің жүретін жеріне айналады. Бұл бірінші рет емес. Өз кезегінде, біз Қазақстан аумағындағы Ұлы орыс тарихи тұлғаларына құрметпен қарауға кепілдік береміз. Тату көршілікті іс жүзінде жүзеге асырамыз, - деп жазды экс-депутат Тәңірберген Бердоңғаров өз Instagram парақшасында.

Бұл жазбаға желі қолданушылары түрлі пікір қалдырды. Бірі «мұндай жастарды жазалау керек» десе, енді бірі «бұдан алауыздық туғызудың қажеті жоқ» дейді.