Мәскеудегі фитнес-клубтың бірінде қазақ спортшысына оқ атқан

Ресей астанасы Мәскеу қаласына жекпе-жекке барған «Қазақ» лақап атымен танымал Бағдат Дүйсембаевты фитнес-клубтың күзетшісі атқан.

Ресейлік БАҚ-тың ақпаратына сәйкес, Дүйсембаев «Зебра» фитнес-клубының жанына көлігін қойған. Бірақ сол жердің көлік тұрақшысы одан көлігін алып тастауды талап еткен, спортшы олай істеуден бас тартқан. Тұрақшы күзетшілерді көмекке шақырған. Ауызша ерегестен кейін қауіпсіздік қызметкері қару шығарып спортшыға алты рет оқ атқан. Қолда бар мәліметтерге сәйкес, ол кеуде, иық және белінен жарақат алып Пирогов ауруханасына жатқызылған.

Сонымен қатар, кеше кешке Поп-MAX Hardcore MА оқырмандарға Бағдаттың жекпе-жекке дайындығы туралы айтып, жарнамалық роликтер жариялаған болатын.

ММА сапында 86 келі салмақта өнер көрсететін 30 жастағы Бағдаттың қоржынында 2 жеңіс, 4 жеңіліс, 1 тең нәтиже бар. Шымкенттің тумасы.