Мәскеу уақытымен 12:00-де келіссөз басталады – Мединский

Украина және Беларусь шекарасындағы құпия мекен-жайда келіссөз өтеді деп күтілуде. Ресейлік делегация басшысы Владимир Мединский келіссөздердің Мәскеу уақытымен 12:00-де басталатыны туралы хабарлады.

«Делегацияның Украинадағы қазіргі жағдай жөніндегі келіссөздері Мәскеу уақытымен 12:00-де басталады. Ресейлік тарап қарсы тарапты күтіп отыр», - деді ол.

Кеше Беларусь президенті Александр Лукашенко Украина президентінің біресе келісіп, біресе бас тартып отырғанын сынға алған. Осы уақытқа дейін украиналық делегация Беларусь жерінде келіссөз жүргізуден бас тартқан болатын.