Қамаудағы Сатыбалды мен Боранбаевтың ас мәзірін кезінде Мәсімов бекіткен

Қылмыстық-атқару жүйесі комитеті Қайрат Сатыбалды мен Қайрат Боранбаевты ұстау жағдайлары туралы айтты.

Бұл туралы Экспресс К хабарлайды.

Қамауға алынған Сатыбалды мен Боранбаев Нұр-Сұлтан қаласындағы ЕЦ-166/1 мекемесінде (Ішкі істер министрлігі Тергеу инспекциясының тергеу изоляторы) отыр.

«ЕЦ-166/1 мекемесінде қамауда отырған тергеу изоляторларын тамақтандыру Қазақстан Республикасы Үкіметінің 2014 жылғы 28 қарашадағы № 1255 қаулысымен бекітілген №1 табиғи нормаға сәйкес жүзеге асырылады» делінген қаулыда.

Бұл қаулыға Қазақстан премьер-министрі қызметін атқарған кезде Кәрім Мәсімовтің өзі қол қойған екен.

Ол бойынша Сатыбалды мен Боранбаевқа тәулігіне екінші сұрыпты ұннан 400 грамм бидай наны, 600 грамм картоп және 8 граммға дейін қайнатылған шұжық беріледі. Дегенмен, бұл мемлекеттің қазір оларды немен қамтамасыз етуі керек екендігінің толық тізімі емес.

«Күнделікті дайын тағамдарды жеткізу мекеме басшылығы бекіткен ас мәзіріне сәйкес келеді. Бұл ретте мәзірде калория мөлшері, тағамдардың әртүрлілігі, маусымдылық ескеріледі. Бір тағамды тәулік ішінде қайталауға жол берілмейді» деп ескертеді Қылмыстық-атқару жүйесі комитеті.