Мұрат Әбенов әлеуметтік желінің шектелуіне қатысты пікір білдірді
Қоғам қайраткері Мұрат Әбенов Әлеуметтік желіні бұғаттайтын заңды тоқтату керектігіне сенім білдіріп отыр. Оның айтуынша, әлеуметтік желіні шектеуді қолдап отырған саясаткерлер Ресей мүддесін қорғап отыр.
Желінің шектелуі қоғамда резонанс тудырған. Қоғам белсендісі осыған қатысты пікір білдірді. Ол желіні шектесе, теледидар әсері күшейіп, халық Ресей хабарларын көруге мәжбүр болатынын түсіндірді. Дәлел ретінде жергілікті арналардың көршілерге қарағанда аудиториясы аз, көрермен қызуғышылығы төмен екенін айтты. Оның айтуынша, мұның ақыры қазақ тіліндегі сауатты жаңаша контенттің азаюына әсер етеді.
Мұрат Әбенов Сенат депутаттарына үндеу жолдады.
«Біздің билік үлкен қауіптің алдында тұр. Егер біздің әлеуметтік желіні Ресейдің идеологиясына жығып берсе, оған төтеп беретін тәуелсіз өз ақпараттық арналарымыз дамымаған. Сонда біздің азаматтардың көбісі көршінің саясатына, геосаяси ұстанымына сенетін, қолдайтын болады. Сырттан еш әскер кіргізбей-ақ, басқаруға оңай болады. Қазір Сенатта әлеуметтік желіні бұғаттауға жол беретін заң жобасы қаралып жатыр. Тағы да Сенат депуттатарына айтарым, Қазақ Елінің Тәуелсіздігіне нұқсан келтіруге жол бермеңіздер! Заңды тоқтату керек. Президент Тоқаев саяси реформалар жайлы жақсы бастамалар жариялады. Оны көпшілік қоғам қолдады» деді Әбенов.
Сондай-ақ, қоғам қайраткері шектелген желі «Жаңа Қазақстан» ұстанымына қайшы екендігін алға тартты.
«Менің ойымша, бұл бастамалар «Ескі Қазақстанға» қайтарғысы келеді, Президент Тоқаевтың жаңа бастамаларына қарсы саяси топтардың әрекеті. Бір қолмен саяси бәсекелестікті бастап, екінші қолмен ақпараттық ашықтықты шектеу – бір-біріне қарсы ұстанымдар. Мемлекет басшысы бастаған «Жаңа Қазақстан» идеологиясына мүлдем сәйкес келмейтін ескі көзқарастағы заң жобасы. Керісінше, Президент Тоқаевтың халыққа ұсынған «Жаңа Қазақстан» идеологиясын іске асыру үшін бізге әлеуметттік желіні кең пайдалану керек.
Жастардың 87%-ы теледидарды мүлдем көрмейді. Қайтадан оларды мәжбүрлеп көгілдір экранның алдына отырғыза алмаймыз. Сол себептен, мемлекет тарапынан әлеуметік желіге арнап жаңа контент шығару керек. Бәсекелестікке төтеп бере алатын, ұлттық мүддені алға қоятын сауатты дүниелер жасауға мемлекеттік мүмкіндікті бағыттау қажет. Әлеуметтік желіні бұғаттайтын заңды тоқтату керек» деп жазды Мұрат Әбенов Facebook парақшасында.
Жаңалықтар
- Грузия парламентінде шетелдік агенттер туралы заңға қатысты төбелес болды
- Оңтүстік Корея Қазақстанның ұшқышсыз ұшақтар шығаратын орталыққа айналуына көмектеседі
- Шымкент мешіттерінің біріндегі намаз төбелеске ұласты
- Жыл басынан бері Қазақстанға төрт миллионнан астам шетелдік келген
- Қазақстан шетелдіктер үшін жаңа виза енгізбекші
- Бишімбаев үкімге шағымданады
- Жоғарғы сот депутат Дәулет Тұрлыхановтың ұлын жазалады
- Шымкентте 11-сынып оқушысы өз-өзіне қол жұмсады
- Алматыда автобус жүргізушісіне пышақпен шабуыл жасалды
- Қарағанды облысында шенеуніктер балалар жатақханасын иемденіп алған
- Жоғарғы сот депутат Тұрлыхановтың ұлының үкімін қайта қарайды
- Санкт-Петерборда суға батып кеткен автобустан адамдарды құтқаруға атсалысқан қазақстандық азамат марапатталды
- Қостанайда кәріз құдықтарының қақпақтарын ұрлағандар ұсталды
- Қызыл кітапқа енген қарақұйрықты атқан браконьер сотталды
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Кеңсе пышағымен адам бауыздамақшы болды: сот үкім шығарды
- Павлодар облысында педофил ұзақ мерзімге бас бостандығынан айырылды