Мәнерлеп сырғанаушы Элизабет Тұрсынбаева мансабын аяқтайды

Қазақстандық мәнерлеп сырғанаушы, 2019 жылғы әлем вице-чемпионы, бар болғаны 21 жасар Элизабет Тұрсынбаева спорттық мансабының аяқталғанын мәлім етті.

Бұл туралы 21 жастағы спортшы  Instagram парақшасында жариялады.

— Құрметті жанкүйерлер, мен кәсіби спортшы ретіндегі мансабымды аяқтауды шештім. Бұл жаңалықты сіздермен бөлісу оңай емес. Сіздердің көпшілігіңіз арқамның ұзақ уақыт бойы мені мазалап жүргенін білесіздер. Өкінішке қарай, бұл жарақат соңына дейін емдей алмадым, сондықтан толыққанды жаттығу мүмкін болмай кетті, – деп жазды ол.

Спортшы мансабының аяқталғанына өкінбейтінін, керісінше  жаңа өмір бастайтынын да жеткізді.

— Қазіргі уақытта мен Қазақстандамын және жыл соңына дейін осында жұмыс істеймін, балаларға көмектесемін, оларды шабыттандырып, өз тәжірибеммен бөлісемін. Мен әрдайым өз елімде мәнерлеп сырғанауды дамытқым келді және қазір маған осы мүмкіндік түсіп отыр, – деді спортшы.

Сонымен қатар ол ата-анасына, Қызылорда облысының басшылығы, Ұлттық Олимпиада комитеті, Спорт және мәдениет министрлігіне қолдау көрсеткені үшін алғысы білдірді.

— Тутберидзенің барлық жаттықтырушылар штабы Этери Георгиевна, Сергей Викторович және Даниил Марковичке-менімен бірге атқарған жұмысы үшін, мансабымдағы тарихи сәттері үшін, маған деген сенімі үшін, үздік бағдарламалары үшін алғысымды білдіргім келеді. Мен бұрын-соңды жұмыс істеген әр жаттықтырушыға алғыс айтқым келеді. Енді менің болашақ ұрпағыммен бөлісе алатын баға жетпес тәжірибем бар, – деп жазды спортшы.

Спортшы өзінің халықаралық аренаға 2011 жылы келгенін, одан  бері он жыл өткенін. 50-ден астам халықаралық жарыс (Азия ойындары, жасөспірімдер олимпиадасы, Дүниежүзілік қысқы универсиада, Төрт құрлық чемпионаттары, Әлем чемпионаттары, Олимпиада және басқа да халықаралық старттар) және әртүрлі деңгейдегі  жарыстарға қатысып, 39 медальдің иегері болғанын жазды.

Ол осы 16 жыл ішінде жетістік те, жеңіліс те, жарақат та болғанын, жанкүйерлерінің  шынайы қолдаулары шабыттандырғанын еске алды. Халқының қолдауына ризашылық білдірген  мәнерлеп сырғанаушы, болашақта да халықпен бірге екендігін айтты.