Мұнара кран машинистері ереуілге шықты

Нұр-Сұлтан, Түркістан, Ақтау, Көкшетау қалаларында мұнара кран машинистері мен жүк көліктерінің жүргізушілері ереуілге шықты, деп хабарлайды ORDA.

Бұған дейін, 27 ақпан күні Azattyk.org елордалық краншылар Еңбек министрлігіне және Назарбаевқа еңбек жағдайларын жақсарту туралы өтініш жолдағанын хабарлаған болатын.

Ереуілге шыққандардың талаптары:

• Жалақыны 800 мың теңгеге дейін арттыру, сондай-ақ екі еселенген тариф бойынша үстеме жұмысқа ақы төлеу;
• Кранда жұмыс істеу қауіптілігі үшін жалақы коэффициенті;
• Жұмыс беруші мен жұмыскер арасында еңбек шартын жасау;
• Өндірістегі еңбекті қорғау;
• Краншыларды қорғаныс құралдарымен және арнайы киіммен қамтамасыз ету;
• Күніне сегіз сағаттан және аптасына 40 сағаттан аспайтын жұмыс ұзақтығын белгілеу;
• Ерлерге 60 жасында, әйелдерге 55 жасында зейнетке шығуға мүмкіндік беру.