Мұнай өнімдерін экспортқа автокөлікпен шығаруға тыйым салынды

Ішкі нарықта мұнай өнімдерінің тапшылығын болдырмау үшін 2021 жылдың 9 мамырынан бастап автомобиль жолдары арқылы мұнай өнімдерін экспорттауға тыйым салынады.

Бұл туралы Orda.kz хабарлады.

Бірлескен бұйрыққа Энергетика министрлігі қол қойды.

— Энергетика министрлігі бензинді, дизельдік отынды және мұнай өнімдерінің жекелеген түрлерін автокөлікпен шығаруға алты айлық тыйым салуды енгізуді қарастыратын бірлескен бұйрық қабылдады, - деп хабарлады министрлік.

Бұған дейін Энергетика министрлігі Қазақстанда бензин құнын көптен бері ешкім реттемейді деп мәлімдеген. Еркін өсім басқа тауарлар мен қызметтерге бағаны көтеруге себеп.

— Бүгінде ішкі нарықтағы мұнай өнімдерінің бағалары реттелмейді және оларды сұраныс пен ұсынысқа негізделген нарық анықтайды. Елдегі АИ-92 бағасы литріне 154-тен 172 теңгеге дейін өзгереді. Барлық жағдайлар тапшылық болмауы үшін қамтамасыз етілген,- деді Энергетика министрлігі мұнай өнеркәсібін дамыту департаменті директорының орынбасары Талғат Құрманбаев.