Мұнай барреліне 116,7 долларға дейін көтерілді

Қара алтынның бағасы АҚШ-тағы жанармай қорының кемуіне байланысты өсіп жатыр.

Лондонның ICE Futures Exchange биржасында 23 наурыз күні таңертең Brent маркалы мұнайдың мамыр айындағы фьючерстерінің құны барреліне $116,7 құрады, бұл алдыңғы сессияның жабылу бағасынан $1,12 (1,06%) жоғары.

Нью-Йорк тауар биржасында (NYMEX) электронды саудада WTI мұнайының мамыр айындағы фьючерстерінің бағасы Мәскеу уақытымен 08:21-де барреліне $110,61 құрады, бұл алдыңғы сессияның қорытынды құнынан $1,34 (1,23%) жоғары. Бір күн бұрын бұл келісімшарттардың құны барреліне $0,7 (0,6%) төмендеп, $109,27 құрады.

Қорлар туралы ақпаратты АҚШ Энергетика министрлігі 23 наурызда Нұр-Сұлтан уақытымен сағат 20:30-да жариялайды.

Украинадағы жағдай мен Ресейге қарсы санкциялар, оның ішінде Еуропаның ресейлік мұнайдан бас тартуы мүмкін екендігі мұнай нарығына қатысушылардың назарында.