Мұнай айтарлықтай қымбаттады

Brent маркалы мұнайдың бағасы 2012 жылдың наурызынан бері алғаш рет барреліне 128 доллардан асты.

7 наурыз күні таңертең Brent маркалы мұнайдың құны барреліне 139 доллардан асты. Бұл 2012 жылы бір баррель үшін берілген бағадан 11 долларға артық.

ТАСС агенттігінің хабарлауынша, Лондонның ICE биржасында 2022 жылдың мамыр айында жеткізілетін Brent маркалы мұнайдың фьючерстік келісімшартының құны 9,03%-ға өсіп, барреліне 128,78 долларды құрап отыр, деп хабарлайды Нұр-Сұлтан уақытымен 06:21 сауда алаңының мәліметі.  Сағат 05:02-дегі жағдай бойынша Brent мұнайының құны барреліне 139 доллардан асып, барреліне 139,1 долларға (+17,8%) көтерілді.

Сарапшылар Brent соңғы рет 2012 жылдың наурыз айында барреліне 128 доллардан асқанын атап өтті. Дегенмен, сағат 06:18-де WTI маркалы мұнайдың фьючерстік келісімшартының құны 8,73%-ға өсіп, барреліне 125,78 долларды құрады.

Айта кетейік, Нұр-Сұлтан уақыты бойынша сағат 09:35-тегі жағдай бойынша ҚР Ұлттық банкі тұрақтылықты көрсетіп отыр. Елімізде сұранысқа ие негізгі валюталар – доллар, еуро және рубль үшінші күннен бері тұрақты. Осылайша, бүгін доллар – 503,30 теңге, еуро – 549,91, рубль – 4,16. Тек соңғы аптада рубль 1,50 теңгеге арзандап, доллар 36,21 теңгеге, еуро 27,7 теңгеге қымбаттады.

Еске салсақ, қазір Ресейде жүрген немесе сол жаққа баратын қазақстандықтар 10 наурызға дейін қолма-қол ақша жинауы керек. Қазақстан банктері бұл туралы бір күн бұрын ескерткен болатын. Мұның бәрі Ресейде халықаралық Visa және MasterCard карталарын өшіру туралы. Қазақстандықтар оларды Ресей аумағында пайдалана алмайды, сондықтан оларға ақшаны қолма-қол ақшаға шығару немесе жергілікті банк шоттарын пайдалану ұсынылады.