Мұхтар Жәкішев қаңтар оқиғасы жөнінде пікір білдірді

«Қазатомпром» ұлттық компаниясының экс-президенті Мұхтар Жәкішев қаңтар оқиғасына 40 күн толуына орай жазба жариялап, қаза тапқандар үшін жауаптыларды табу керектігін айтты.

Жәкішов қаңтар оқиғасын тарихта мәңгі сақталатынын айтты. Сондай-ақ, мұндай жағдай қайталанбау үшін не істеу керегін де еске салды.

– Құрметті Отандастар, Қазақстандықтар! Тарихымызда мәңгіге қалатын оқиғағадан бүгін 40 күн өтті. Мәңгілікке кеткен азматтарымызды еске алу күні. Біз олардың жақсы көретін жандармен бірге жоқтаймыз, қайғырамыз. Сіздер өз қайғыларыңызбен жалғыз қалмайтындарыңызды ескеріңіз!

– Бұл оқиғаның мәніне нүкте әлі қойылмағанына сенімдімін! Қандастарымыздың қазасы мен азап шегуіне кім кінәлі дегенге қоғам шынайы жауап алуы керек, әйтпесе еліміздің ертеңінде осының бәрі қайталануы мүмкін! Біз шындық пен әділеттілікті күтеміз! – деп жазды Жәкішов.