Мұхтар Тайжан Egov-тан СБЕРге көшудегі олқылықтар туралы айтты

Қоғам қайраткері, парламенттегі жұмыс топтарының мүшесі Мұхтар Тайжан Қазақстан үкіметінен ресейлік «Сбербанкпен» меморандум бойынша жағдайды түсіндіруді талап етті.

Бұл туралы Orda.kz хабарлады.

• Мемлекеттік сатып алуды реттейтін қазақстандық заңнама талаптарына сәйкес тендер жарияланды ма?
• Олай болса, тендер өткізу туралы хабарлама қашан және қайда орналастырылды?
• Конкурстық комиссияның мүшелері кім және комиссия төрағасы кім болды?
• Тендерлік құжаттама мен техникалық тапсырма заң талап еткендей алдын ала жарияланды ма?
• Байқауға тағы кім қатысты немесе шешім «бір көзден» қабылданды ма?
• 500 миллион долларды кім және қалай анықтады? Неге 476 миллион немесе 528 миллион емес? Смета қайда?

- Бұл «Мемлекеттік сатып алу туралы» Заңға сәйкес міндетті рәсімдер. Мемлекеттік сатып алуға байланысты барлық операциялар ашық болуы керек. Егер үкімет бұл сұрақтарға жауап бермесе, онда прокуратура бұл меморандумды жарамсыз деп тануға құқылы. Себебі ол Қазақстан заңнамасын өрескел бұзумен тең, - деп қорытындылады Тайжан.

Қазақстандықтар Қазақстан Республикасының мемлекеттік басқару жүйесін ресейлік платформаға көшіруді қызу талқылап жатыр. Қазақстандықтар Қазақстан-Ресей ынтымақтастығы қандай болатынын және Қазақстан үшін қандай тәуекелдер бар екенін толық түсінбейді. Адамдар елдің ұлттық қауіпсіздігінен, егемендіктің сақталуынан және олардың мәліметтерінің таралу ықтималдығынан қорқады.

ҚР Цифрлық даму министрі Бағдат Мусин Сбербанктің серіктес ретінде не үшін таңдалғанын түсіндірді: компания бастапқы кодтарды беруге және Қазақстанда серверлер мен мәліметтер базасын орналастыруға келіскен. Ал Microsoft бастапқы кодты беруден бас тартты.