Мұхтар Тайжан Жаңаөзен тұрғындарымен бірге Тоқаевқа үндеу жолдады

Саясаткер, экономист Мұхтар Тайжан Жаңаөзен қаласының тұрғындарымен бірге президент Қасым-Жомарт Тоқаевқа үндеу жолдады.

Үндеуді Тайжан өзінің Facebook парақшасында жариялады.

– Құрметті Қасым-Жомарт Кемелұлы! Президент мырза! Мен қазір Жаңаөзен төрінде тұрмын. Мына жастар түгелдей жұмыссыз. Қиналып жүр. Мен үнемі айтамын. Мен үкіметке үнемі айтамын: Жыл сайын 400 мың жастар мектеп бітіріп, жұмысқа мұқтаж болады. Біз елімізде шынайы реформа жасамасақ – онда қазақтың болашағы осындай мүшкіл болуы мүмкін. Сондықтан бізге, өтірік емес, шыңайы реформа керек, – деді Тайжан.

Мұхтар Тайжанның сөзін Жаңаөзен тұрғындары қолдаумен қарсы алды.