Мұхаммед пайғамбар карикатураларының авторы жол апатынан қайтыс болды

Мұхаммед пайғамбар карикатураларының авторы Ларс Вильк пен оның күзетшілері жол апатынан көз жұмды. Олар жүк көлігімен соқтығысып қалған.

Бұл туралы Orda.kz РИА Новостиге сілтеме жасап хабарлады.

Апат жексенбі күні түстен кейін Маркарид қаласының маңындағы Е4 жолында орын алды. Жергілікті полиция өкілі апатты біреу ұйымдастырды деген нұсқаны жоққа шығарды.

– Біз апаттың қалай болғанын әлі айта алмаймыз. Тергеу нәтижесін күтуіміз керек, - деді полиция өкілі Рикард Лундквист.

Ларс Вилкс 2007 жылдың жазының соңында Мұхаммед пайғамбардың кариктураларын швед газеті Нерикес Аллеханда жарияланғаннан кейін танымал болды. Жанжалды жарияланымнан кейін Ларс Вилкс полицияның қорғауында болды, өйткені оған түрлі қорқытулар келе бастады.