Мәдениет және спорт вице-министр Сәкен Мұсайбеков құрықталды

Мәдениет және спорт вице-министрі Сәкен Мұсайбеков пен «Exirius» ЖШС құрылтайшысы Заңғар Медеуов құрықталды. Олар 2 айға «қамауға алу» санкциясына ілікті. Біріншісі пара алды деп күдіктелсе, екіншісі оны берген. Бұл туралы «Дикая орда» Telegram каналы хабарлады.

Еске салсақ, жақында Сәкен Мұсайбековтің Дубайға ұшып кетпек болған жерінде ұсталғаны туралы қауесет тараған. Министрлік болса, вице-министр 22 ақпан мен 5 наурыз аралығында ресми еңбек демалысында деп мәлімдеді.

Ақпарат әлі де ресми түрде расталмады.

Мұсайбеков букмекерлік орталық құрды деген күдікке ілінді. Ол арқылы барлық букмекерлік кеңестер өтетін сыңайлы. Ең қызығы, серверлерге Заңғар Медеуовтің компаниясы қызмет көрсетеді.