Мұғалімдерді сырттай жұмысқа тартқан білім бөлімдерінің басшылары жазаланады

Мұғалімдерді сырттай жұмысқа тартқаны үшін мектеп әкімшілігі ғана емес, білім бөлімінің басшылары да жазаланатын болады. Бұл туралы ҚР Білім және ғылым министрі Асхат Аймағамбетов мәлімдеді.

«Келесі жолы мектеп директорын жауапқа тартпаймыз. Білім басқармасының басшысын, содан кейін басқарма басшысын жауапқа тарту мәселесін көтереміз», - деді Аймағамбетов.

ҚР Білім және ғылым министрлігінің аппарат мәжілісінде мұғалімдер сырттай жұмысқа тартылса, тек мектеп басшылығы ғана жауапкершілікке тартылмайтынн айтты.

«Бұған директорлар мен оқу ісінің меңгерушілерін ғана емес, бөлім басшыларын да тарту қажет. Бұл тиісті қала немесе облыстағы бұған жауапты адамның жүйелі қателігін білдіреді» деді Асхат Аймағамбетов.

«Педагог мәртебесі туралы» заңға сәйкес педагог қызметкерлерді Қазақстан Республикасының білім беру саласындағы заңнамасында көзделмеген кәсіптік міндеттеріне жатпайтын жұмыс түрлеріне тартуға жол берілмейді.

 «Мұғалім өзінің тікелей жұмысымен айналысуы керек» деп қосты Білім және ғылым министрі.