Мұғалімдер көбірек жалақы алу үшін қылмыстық кодексті бұзуға дайын

Қазақстандық мұғалімдер біліктілікті арттыру тестін тапсырмас бұрын шпаргалка мен тыйым салынған жабдықтарды өткізуге міндеттеледі. Ол алаяқтықты алдын алу үшін қажет.

Ұлттық тестілеу орталығының директоры Дидар Смағұлов тест тапсырар алдында мұғалімдерге міндетті скрининг енгізуді ұсынды. Бұл туралы ол өзінің Facebook парақшасында жазды.

Біліктілік тесті кезінде мұғалімдердің жаппай алдау әрекеттері тіркелді. Оның айтуынша, 2020 жылы 1202 мұғалім ереже бұзған, ал 2021 жылдың басынан бері 349 мұғалімнің алаяқтығы анықталды.

- Біз қадірлі педагогтерімізге асқан құрметпен қарап, олардың жұмысын бағалаймыз. Міне, сондықтан да ҚР Білім және ғылым министрлігінің тапсырмасы негізінде Ұлттық біліктілік тестілеудің қатысушыларында тыйым салынған заттардың (смартфондардың, шпаргалкалардың және басқа да құрылғылардың) бар-жоғы тексерілмейтін. Өкінішке орай, кейбір әріптестеріміз біздің көрсеткен құрметімізді әлсіздікке санап, тыйым салынған заттарды жаппай қолдана бастады, деп жазды Дидар Смағұлов.

Сонымен қатар, ол микроқұлаққаптар мен микрофондарды қолданудың жаппай фактілері анықталғандығын, негізінен олардың таралымы шектеулі және пайдалануы үшін қылмыстық бап қарастырылғандығын еске салды.

- Осы фактілерді ескеріп, бүгін Қазақстан Республикасы Білім және ғылым министрлігінің аппараттық жиналысында Ұлттық біліктілік тестілеуді тапсыру кезінде мұғалімдерді тексеруді енгізу қажеттігін айттым, деп атап өтті тестілеу орталығының басшысы.

Қорытындылай келе, ол сене отыра, тексерісті де ұмытпау әдісі әлдеқайда жақсы жұмыс істейтіндігін айтты.

Ұлттық біліктілік тесті (ҰБТ) білім беру ұйымдарында қызмет атқаратын мұғалімдер мен оларға теңестірілген адамдардың кәсіби құзыреттілік деңгейін анықтауға бағытталған. Қазақстандық мұғалімдер бұл сынақтан жыл сайын өтіп отырады.