Дәптерін ұмытып кеткен оқушылар «ерекше» жазаланды

Көкшетаудағы мектептердің бірінде мұғалім балаларды дәптерін үйде ұмытпауға дағдыландырғысы келді. Ол бірінші сыныпта оқитын 12 баланың маңдайына «дәптер» деп жазды.

Бұл туралы Orda.kz хабарлады.

Белгілі болғандай, ұстаздың 27 жылдық кәсіби тәжірибесі бар. Бірақ мектеп әкімшілігі оқиғаны ести сала, бірден мұғалімді жұмыстан шығаруға шешім қабылдапты.

Себебі, ол ҚР Еңбек кодексінің 52-бабын бұзды.

Қазір психолог балалармен жұмыс істеп жатыр.