Мұғалім алты жыл бойы балалар үйінің ақшасын қолды етіп жүрген

Алматыдағы балалар үйінің әлеуметтік мұғалімі өзінің қызметтік жағдайын пайдаланып, балалардың есепшоттарынан ірі соманы аударып келген.

Бұл туралы Orda.kz ҚР Қаржылық мониторинг агенттігінің департаментіне сілтеме жасап хабарлады.

Алматы облыстық №1 балалар үйіндегі бұрынғы әлеуметтік педагог Мұстафина директордың сенімхатымен қамқоршыларына асыраушысынан айрылу мен мүгедектігі бойынша жәрдемақы беріп отыру үшін банктік шоттар ашқан.

– Мобильді банкинг арқылы тәрбиеленушілердің есеп шоттарына толық қол жеткізе отырып, ол балалар үйінің тәрбиеленушілерінен қаражатты жеке карточкалық шотқа аударды, сондай-ақ банкоматтан кейбір қаражатты сотталғандардың өздерінің банк карталары арқылы шешкен, - делінген хабарламада.

Сотталушы басқа адамдардың ақшасын 2015 жылдан бері пайдаланып келген. 2018 жылдың күзінде балалар үйінің директоры Қондыбаева мұғалімнің айласы туралы біліп, оған ешқандай шара қолданбаған.  Не жұмыстан шығармады, не полицияға хабарламады, не сенімхатты қайтарып алмаған.

Алты жыл ішінде Мұстафина 67 млн теңге ұрлаған. Сот барысында әйел қылмысын мойындап, балаларға 10 млн теңгені қайтарып берді.

Бұрынғы әлеуметтік педагог сот үкімімен кінәлі деп танылды. Өзге адамдардың сеніп тапсырылған мүлкін аса ірі көлемде жымқырғаны үшін әйел жеті жылға бас бостандығынан айрылды. Оған 10 жыл мұғалімдік қызметпен айналысуға тыйым салынды.

Балалар үйінің бұрынғы директоры Қондыбаева ҚР Қылмыстық кодексінің 371-бабы «Абайсыздық» бойынша кінәлі деп танылды. Оған 2,7 млн теңге айыппұл салынып, мемлекеттік қызметте жұмыс істеу құқығынан айрылды.