Мұқағали Мақатаев туралы фильм халықаралық фестивальде жүлдеге ие болды

Режиссер Болат Қалымбетовтың «Мұқағали» атты қазақстандық көркем фильмі PÖFF Эстония кинофестивалінің экуменикалық қазылар алқасының жүлдесіне ие болды.

Марапаттау рәсімі 27 қарашада «Эстония» концерт залында өтті.

– Поэтикалық тіл және фильмнің көрнекі байлығы ең сезімтал тақырыптарды жанды тілге аударуға мүмкіндік береді. Сұлулық пен руханиятқа деген ұмтылыс, тіпті ең терең идеология мен жүректе өшпейді. Бірақ нағыз рухани құндылықтарды мадақтауға есік ашады, – деп қазылар алқасы мүшелері қазақстандық фильм туралы пікір білдірді.

«Мұқағали» көркем фильмінің премьерасы 2021 жылдың 18 қазанында Қазақстан астанасында өтті. Картина қазақ ақыны Мұқағали Мақатаевтың 90 жылдығына арналып, өмірінің соңғы жылдары туралы баяндайды. Фильмді мәдениет министрлігінің тапсырысы бойынша «Қазақфильм» киностудиясы түсірген.

«Мұқағали» фильмі сценарийінің авторы белгілі қазақстандық жазушы Жүсіпбек Қорғасбек болды. Бұл оның режиссер Болат Қалымбетов пен Ғазиз Насыровпен бірге түсірген үшінші фильмі.

Мұқағали Мақатаев – қазақ жазушысы, ақын және аудармашы, ұлттық әдебиет қорын толықтырған көптеген шығармалардың авторы. Мақатаев 1962 жылы «Социалистік Қазақстан» басылымында «Аппассионата» поэмасы жарияланғаннан кейін кеңінен танымал болды.

Айта кетейік, PÖFF Эстония кинофестивалінің гран-приін неміс «Дорогой Томас» фильмі жеңіп алды.