Әлжан Имашев лауазымын босатты

Әлжан Имашев «ҚТЖ - Жүк тасымалы»ЖШС бас директорының экономика және қаржы жөніндегі орынбасары лауазымын босатты. Бұл туралы Orda.kz редакциясының дереккөзі хабарлады.

Әлжан Имашев - Қазақстан орталық сайлау комиссиясының төрғасы Берік Имашевтың ұлы, Нұрали Әлиевтің әйелі Аида Имашеваның інісі. Нұрали Әлиев бірінші президенттің қызы Дариға Назарбаеваның ұлы.

Еске сала кетейік, соңғы ақпараттар тұсында тұңғыш президенттің бірқатар туыстары қызметтерінен босатылды. 15 қаңтар күні Назарбаевтың екі күйеу баласы қызметінен кетті. «ҚазТрансГаз» және «ҚазТрансОйл» ұлттық компанияларының басшылық лауазымынан Дариға Назарбаеваның күйеуі - Шәріпбаев және Әлия Назарбаеваның күйеуі - Досанов босатылды.

17 қаңтар күні Назарбаевтың тағы бір күйеу баласы Тимур Құлыбаев «Атамекен» Ұлттық кәсіпкерлер палатасының басшысы қызметінен кетті. Сонымен қатар, 17 қаңтар күні президент Тоқаев экс-президенттің інісі Самат Әбішті ҰҚК төрағасының бірінші орынбасары қызметінен босатты.

Қазіргі таңда Назарбаевқа жақын туыстарының ішінен билік басында тек мәжіліс депутаты Дариға Назарбаева ғана қалды, ресми деректерге сенсек ол коронавируспен ауырып жатыр. Қазақстанды отыз жылға жуық басқарған Нұрсұлтан Назарбаев ел алдына соңғы рет 2021 жылдың желтоқсан айында шыққан. Қазіргі таңда шетелдік және отандық саясаткерлер оның шетелде екенін немесе Қазақстанда екенін талқылап жатыр.