Құлыбаевтың «көңілдесі» қоғамдық орында шу шығарды

Әлеуметтік желілердің арқасында танымал болған, өзін Құлыбаевтың «көңілдесі» деп таныстырған Элеонора есімді әйел, кафелердің бірінде тағы да шу тудырды.

9 ақпанда тәртіп сақшыларына елорда кафелерінің бірінде мас әйелдің төбелес шығарғандығы туралы хабарлама келіп түсті.

Әлеуметтік желілерде оның ботқаға және арақ пен сусынға тапсырыс беріп, артынша ақшасын төлемеу үшін тамаққа шаш салған видеосы тарап кеткен болатын. Осыдан кейін ол жанжал шығарып, эмоциямен өзін «Елбасының күйеу баласы Тимур Құлыбаевтың «көңілдесімін» деп жариялады.

«Медициналық сараптаманың қорытындысына сәйкес, жауапкер орташа дәрежедегі мас күйде болған. Оған қатысты «Кәмелетке толмаған бала тәрбиесі мен білімі, құқықтары мен мүдделерін қорғау жөніндегі міндеттерді орындамау» бабы бойынша әкімшілік іс қозғалды. Материал жауапкершілікке тарту үшін Нұр-Сұлтан қаласының мамандандырылған ауданаралық әкімшілік сотына жіберілді», - делінген хабарламада.

«Құлыбаевтың көңілдесі» - Элеонораның қоғамдық тәртіпті бірінші рет бұзбағаны анықталды. Департамент ақпан айының басынан бастап оның үстінен үш шағым түскенін хабарлады:

• 5 ақпанда қонақ үйдегі кафеде есепшотты төлемеген;
• 7 ақпанда басқа қонақ үйдегі мүлікке зиян келтірді;
• 9 ақпанда ол қызымен бірге кафеге келіп, жанжал шығарды (ботқаға шаш қосуымен).

Қазіргі уақытта әйел бес АЕК (14 585 теңге) айыппұл төлеуі керек, ал сот оның барлық істерін қарауы керек.