Құлыбаев ҰОК президенті болып қалады – дереккөз

Тимур Құлыбаев Қазақстан Республикасы Ұлттық Олимпиада комитетінің президенті болып қала береді.

ҚР Ұлттық Олимпиада комитетінің баспасөз қызметі комитет басшылығының құрамында қандай да бір өзгерістер болғаны туралы ақпарат жоқ екенін мәлімдеді.

– Жұмыстан кету туралы мәлімет жоқ. Біз әдеттегідей жұмыс істеп жатырмыз, - деді ҰОК баспасөз хатшысы Жанар Өтешева Sputnik Қазақстан тілшісіне берген сұхбатында.

Тимур Құлыбаев 2015 жылдан бері ҚР ҰОК президенті. 17 қаңтарда оның «Атамекен» Қазақстан Республикасы Ұлттық кәсіпкерлер палатасы президиумының төрағасы қызметінен кеткені белгілі болды.