Құлыбаев Қазақстан темір жолдарын ресейлік холдингке сатпақшы

Orda.kz дереккөзінің хабарлауынша, Назарбаевтың «Қамқор Локомотив» ЖШС үлесіне ие күйеу баласы Тимур Құлыбаев оны ресейлік «Трансмашинхолдинг» ЖШС холдингіне сатуды жоспарлап отыр.

Тимур Құлыбаев өзінің «Joints Technologies» ЖШС компаниясы арқылы «Қамқор Менеджмент» ЖШС холдингінің үлесіне ие, оның құрамына 9 компания кіреді:

• «Қамқор Локомотив» ЖШС;
• «Қамқор Вагон» ЖШС;
• үш компания «Теміржол жөндеу» ЖШС;
• «Теміржолэнерго» ЖШС;
• «Локомотив 2030» ЖШС;
• «Қамқор Сервис» ЖШС;
• «ТЭК-Қазақстан» ЖШС.

«Қамқор Менеджмент» ЖШС құрылтайшыларының қатарында Тимур Құлыбаевтан басқа оның бұрынғы жеке көмекшісі әрі кеңесшісі немере інісі Әлібек Құлыбаев бар.

«Қамқор Менеджмент» ЖШС-де Orda.kz тілшісінің сұрауы бойынша олар жоспарланған транзакциялар туралы ақпараттың құпия екенін айтты.

Ресейлік холдинг «Трансмашхолдинг» ЖШС қазірдің өзінде бірнеше қазақстандық теміржол компаниясына иелік етеді. 2019 жылы ҚТЖ «Тұлпар-Тальго» зауытын «Трансмашхолдинг Қазақстан» АҚ басшылығына берді. 2020 жылы «Трансмашхолдинг» ЖШС «Қазақ Проммашкомплект» ЖШС-нің 50 пайызын сатып алды. Олар бағыттама бұрмалары мен темір жол дөңгелектерін шығарумен айналысады.

Трансмашхолдинг - теміржол көлігіне арналған жылжымалы құрамның Ресейдегі ең ірі өндірушісі. Холдингтің кәсіпорындары Ресейдің Санкт-Петербург, Брянск, Пенза, Тверь, Мәскеу, Ростов және Саратов облыстарында, сондай-ақ Швейцария, Венгрия, Оңтүстік Африка, Египет, Аргентина, Беларусь және Қазақстанда орналасқан. Компанияның 79,4 пайызы бизнесмендер Искандар Махмудов, Андрей Бокаревке тиесілі. Бақылау пакетінің иелері – директорлар кеңесінің басшысы Дмитрий Комиссаров пен компанияның бас директоры Кирилл Липа. TMH 20% француздық Alstom концерніне тиесілі.