Беларусь президенті Александр Лукашенко Еуразиялық экономикалық одақ елдері арасындағы кедергілерді жою мәселесінде Қазақстан президенті Қасым-Жомарт Тоқаевты қолдады.
«Бәріміздің басты ойымыз – толыққанда экономикалық одақ құру. Барлығы бұл мәселелесі ілгерілеушілік деп атады, бірақ мен бұрынғы қалпымда қалдым: ешқандай кедергілер мен шектеулер болмауы керек. Бұл біздің одақ құрудың негізгі қағидасы және біз ең жақын болашақта мақсатымызға жетуіміз керек», – деді Лукашенко Жоғары Еуразиялық экономикалық кеңес отырысында.
24 мамырда 2-ші Еуразиялық экономикалық форумда Тоқаев бұдан да өршiл мақсаттар қою керек екенiн айтты.
«Менің ойымша, өзара кедергілер мен шектеулердің көптеген фактілерін тізбелеудің қажеті жоқ. Одақ нарығында толыққанды «біртекті» өзара іс-қимыл ортасын құрү қажет», – деді Тоқаев.
Айта кетейік, 25 мамырда Жоғары Еуразиялық экономика кеңесі отырысында Қазақстан президенті тағы да кедергілер мәселесіне тоқталды.
«Шындығын айту керек, алда көп жұмыс күтіп тұр. Әңгіме, ең алдымен, төрт еркіндіктің бірі – тауар көзғалысы еркіндігін толық жүзге асыру болып отыр. Бұл біртұтас, шын мәніндегі кедергісіз нарықты қалтастыру және үшінші елге тауарлардың кедергісіз транзитін қамтамасыз ету», – деді Қазақстан президенті.
