Львов облысындағы ірі жанар-жағармай базасы мен жөндеу зауыты жойылды

Ресей Федерациясы Қорғаныс министрлігі Львов облысындағы ірі жанар-жағармай базасы мен қару техникаларын жөндеу зауыты жойылғанын хабарлады.

Сенбі күні Львовтағы украин әскерлерін жанар-жағармаймен қамтамасыз ететін ірі жанармай базасы жоғары дәлдіктегі қару-жарақ арқылы жойылды, деп хабарлады жексенбі күнгі брифингте Ресей қорғаныс министрлігінің баспасөз хатшысы генерал-майор Игорь Конашенков.

 «26 наурызда жоғары дәлдіктегі алыс қашықтыққа ұшатын қару арқылы Львов қаласының маңы, Украинаның батыс аймағындағы және Киев маңындағы украин әскерлерін жанар-жағармаймен қамтамасыз етіп отырған жанармай базасы жойылды» деп келтіреді РИА Новости Конашенковтың сөзін.

Сондай-ақ, ол Львов радио жөндеу зауыты шеберханаларының да қирағанын қосты. Бұл кәсіпорында, Ресей Қорғаныс министрлігі өкілінің айтуынша, «Тор» және «С-125» зениттік-зымырандық кешендері, Украина әуе күштерінің радиолокациялық стансалары, электронды соғыс техникасы мен танктерге арналған көздеуіштер күрделі жөндеуден өтіп, өңделіп отырған.

Арнайы әскери операция басталғаннан бері барлығы 289 ұшқышсыз ұшу аппараты, 1656 танк және басқа да броньды жауынгерлік техника, 169 көп реттік зымырандар, 684 далалық артиллерия мен миномет, сонымен қатар  Украина  Қарулы Күштерінің 1503 бірлігі арнайы әскери техникасы жойылды.