Лукашенко Путинмен жаңа «Кеңес Одағын» құратынын айтты

Беларусь президенті Александр Лукашенко Түркияның TRT телерадиокомпаниясына берген сұхбатында екі елдің Ресеймен жаңа одақта Еуропалық Одақтың барлық қателіктері ескеріліп, Кеңес Одағының барлық оң жақтарын қалдыратынын айтты.

– Бұл одақ неғұрлым дамыған және тұрақты болады. Біріншіден, біз қайталамау үшін Еуропалық Одақтың барлық қателіктерін ескереміз. Ал оң тәжірибені қолданамыз.

Екіншіден, біз біртұтас мемлекеттен – Кеңес Одағынан шықтық. Сол жерде көп нәрсені көрдік. Біз кеңестік өткеннен не қалдыратынымызды және болашақта бізге не пайдалы болатынын білеміз…

Біз 25-ші, 30-шы немесе басқада қандай да бір жылға ешқандай мерзім қоймаймыз. Біз мәселелерді біртіндеп шешеміз, – деді Беларусь басшысы.

Естеріңізге сала кетейік, Ресей президенті Владимир Путин ол үшін КСРО-ның күйреуі қайғылы жағдайға және «тарихи Ресейдің құлдырауына» айналды деп мәлімдеген болатын.