Лукашенко Қазақстанмен ынтымақтастық туралы: «Беларусь аумағында сіздердің кез келген тілектеріңіз біз үшін заң»

Беларусь президенті Александр Лукашенко Қазақстанның елшісі Ерлан Байжановты қабыладады.

Бұл туралы ТМД Атқару комитеті хабарлады.

Александр Лукашенко мен Ерлан Байжанов кездесуінің басты тақырыбы Қасым-Жомарт Тоқаевтың 2024 жылдың үшінші тоқсанына жоспарланған Беларусь еліне  сапары болды. Беларусь басшысы Тоқаевпен сөйлесетін нәрсе бар екенін, атап айтқанда, өнеркәсіп саласындағы ынтымақтастықты талқылағысы келетінін атап өтті.

«Біз комбайн, трактор, элеватор шығаратын жақсы бірлескен кәсіпорын құрдық. Біздің технологияларды одан әрі ілгерілету және олардың негізінде Қазақстан мен Беларусьте бірлескен кәсіпорын құру жоспарлануда. Біз сізді кез келген уақытта қолдауға дайынбыз. Беларусь аумағындағы кез келген тілегіңіз біз үшін заң»,- деді Лукашенко.

Ол сондай-ақ егер Қазақстан мен Беларусь өздерін қызықтыратын бағытта қозғалатын болса, олар «тек санкцияларды ғана емес, басқа да кедергілерді еңсеретінін» мәлімдеді.

Естеріңізге сала кетейік, 2022 жылдан бері Беларусь қатаң экономикалық санкцияларға ұшырады, бұған Ресейдің Украинамен соғысына қолдау көрсетуі себеп болды. Атап айтқанда, Беларусь Ресей әскерлерінің басып кіруі үшін өз территориясын берді.