Лукашенко: Батыс санкцияларының салдары ЕАЭО-ның барлық елдеріне әсер етеді

Жоғары Еуразиялық экономикалық кеңес отырысында Беларусь президенті Александр Лукашенко ұйымға қатысушы елдерді «бірігіп, біртұтас майдан ретінде әрекет етуге» шақырды.

— Экономиканың жаһандық форматына және Ресей мен Беларусь сіздің ірі сауда-экономикалық серіктестеріңіз болғандықтан, санкциялардың салдары әркімге әр дәрежеде әсер етеді, - деді Беларусь президенті Александр Лукашенко Жоғары Еуразиялық экономикалық кеңесте.

Оның айтуынша, ЕАЭО елдері валюталық және қаржы нарығындағы проблемаларды тоқтата алды. Бірақ санкциялық қысым әлсіреген жоқ, керісінше күшейіп келеді, деп хабарлайды 24.kg

— Сондықтан, біз қол қусырып отыра алмаймыз. Бәрі өз-өзінен өтеді, отырабереді  деп сенетіндерге тағы да айтамын. Біз жай ғана бірігіп, біртұтас майдан ретінде әрекет етуіміз керек. Ол бәріне керек. Мемлекеттігімізді, бірлігімізді сақтап қалғымыз келсе, халықтарымыздың игілігін шынымен ойласақ, басқа ештеңе берілмейді. Бұған дейін қолға алған бірлескен қадамдарымыз дәлел. Бұл Одақ мемлекеттері  экономикаларының тұрақтылығын арттыру мақсатында Еуразиялық экономикалық комиссияның жедел қабылдаған шешімдеріне қатысты. Бұдан әрі логистиканы реформалау бойынша шұғыл шаралар қабылдау қажет деп есептеймін, - деді Беларусь басшысы.

Ол ЕЭК-тің ауыл шаруашылығы өнімдерін тұрақты кедергісіз теміржол жеткізуін қамтамасыз етуге бағытталған «Еуразиялық Агроэкспресс» жобасын іске асыру жөніндегі бастамасын атап өтті. Александр Лукашенко жаңа ынтымақтастық байланыстарын құру және импортты алмастыру бойынша жұмысты жеделдетуге шақырды.

— ЕАЭО азық-түлік қауіпсіздігі мәселелерінде жақсы позицияға ие, алайда болжанған асығыс сұранысқа байланысты біздің мемлекеттерде тапшылықтың алдын алу үшін тығыз ынтымақтастық қажет. Үшінші елдермен экономикалық ынтымақтастық мәселесі ерекше маңызға ие. Санкциялар алдында біз оқшауланбауымыз керек. Мен экономикалық одақта айтып отырмын.  Батыстан бөлек, әлемде бізбен тең құқықты және сыйластық қарым-қатынас орнатуға дайын мемлекеттер жетерлік, - деп түйіндеді ол.