Ұлттық халық санағына қанша қаражат жұмсалатыны айтылды

Ұлттық халық санағы баяғыдан жаңа технологияларды қолдануды, енгізуді талап ететін процесс екені белгілі. Биыл осы үрдіске жауапты ведомство және мамандар жаңа технологияларды енгізе отырып, 2009 жылғы санаққа қарағанда 2,6 есеге арзан түсетін ұлттық деңгейдегі жұмысты жүзеге асырмақ.

Бұл туралы Orda.kz хабарлайды.

Халық санағына қатысты Ұлттық статистика бюросына қарасты Стратегиялық жоспарлау және реформалар агенттігінің басшысы Нұрболат Айдапкелов мәлімдеме жасады.

– 2018-2023 жылдар аралығындағы халық санағын жүргізу үшін мемлекеттік бюджеттен 9,1 миллиард теңге қарастырылған. Оның ішінде 4,7 миллиард теңге халық санағын жүргізетін қызметкерлердің жалақысына жұмсалады. Процесс барысында 32 313 адам жұмыспен қамтылады, - деді ол.

Оның айтуынша, жауапты мекеме қазіргі уақытта халық санағы кезінде жұмыс істеуге ниетті азаматтармен келісім-шартқа отырып жатыр.

Бюро басшысы биылғы Ұлттық халық санағына 2009 жылғы науқанға қарағанда 2,6 есе қаражат жұмсалғалы отырғанын баса айтты.

Қаражаттың үнемделуі цифрлы технологияларды жұмыс процесіне енгізіп, халық санағы барысында мәліметтерді жинақтауды автоматтандыру есебінен жүзеге асқан. Санақ үшін жалпы құны 1,1 миллиард теңгеге 27 412 планшет қуаттау құрылғысымен және қаптамасымен бірге сатып алынған. Санақтан кейін бұл құралдар қажеттілік туындаған мемлекеттік мекемелерге беріледі.

Еске салайық, Ұлттық халық санағы 2021 жылдың 1 қыркүйегі мен 30 қазаны аралығында онлайн/дәстүрлі форматта өтеді.