Ұлттық банк теңге бағамын ұстап тұру үшін 534 миллион доллар сатты

Ұлттық банк Ресей Қазақстанның негізгі сауда серіктесі болып қала беретінін және бұл жағдай теңге бағамына әсер ететінін атап өтті.

 «Ішкі валюта нарығындағы жағдайдың тұрақсыздануына жол бермеу мақсатында дүйсенбі, 28 ақпанда Қазақстан қор биржасында доллар-теңге жұбының саудасы Франкфурт аукционы түрінде жүргізілді, соның нәтижесінде Ұлттық Банктің валюталық интервенциялары тәулігіне 98,1 млн долларды немесе жалпы сауда көлемінің 61,5%-ын құрады. Сауда-саттық сейсенбіден бері әдеттегідей жүріп жатыр. Шетел валютасына сұраныстың артуына байланысты 1 наурыздан 5 наурызға дейін Ұлттық банк 534,3 млн АҚШ долларын сатты, бұл жалпы сауда көлемінің 60%-ын құрайды (Нұр-Сұлтан уақыты бойынша сағат 15:00-де), оның 414,3 млн. Ұлттық қордан республикалық бюджетке трансферттерді қамтамасыз ету үшін айырбастау және валюталық интервенциялар үшін 120 млн»  деді банк сенбі күні, 5 наурызда.

Ұлттық банк рубльдің айтарлықтай құбылмалылыққа ұшырағанын, онымен салыстырғанда теңгенің тұрақтылығын көрсеткенін атап өтті. Бірақ рубльдің ықпалын жоққа шығаруға болмайды, өйткені Ресей Қазақстанның негізгі сауда серіктестерінің бірі болып қала береді.

24 ақпанда Ресей президенті Владимир Путин Украинаға әскер жіберетінін мәлімдеді. Бұдан кейін АҚШ, Ұлыбритания, Еуроодақ және НАТО елдерінің бірқатар санкциялары, соның ішінде Ресейдің жұмыс істеп тұрған 7 банкін SWIFT жүйесінен ажыратылды. Бұл Қазақстанның экономикалық жағдайына қатты әсер етті. 5 наурызда KASE қор биржасында доллар бағамы 501 теңгеге жетті.