Ұлттық банк базалық мөлшерлемені көтерді

Қазақстан Ұлттық банкі жылдық базалық мөлшерлеменің 10,25 пайызға дейін көтерілетінін жариялады. Бұл жөнінде Ұлттық банк баспасөз қызметі хабарлама таратты.

«Ұлттық банктің ақша-кредит саясаты жөніндегі комитеті базалық мөлшерлемені +/-1,00 п.т. пайыздық дәлізімен жылдық 10,25% деңгейінде белгілеу туралы шешім қабылдады. Тиісінше, өтімділікті ұсыну жөніндегі тұрақты қолжетімді операциялар бойынша мөлшерлеме 11,25%, ал өтімділікті алу жөніндегі тұрақты қолжетімді операциялар бойынша мөлшерлеме – 9,25% болады» делінген Ұлттық банк ресми сайтында.

Ұлттық банк шешім инфляциялық күтулерді төмендету және инфляцияның 2022 жылдың соңына қарай белгіленген 4-6% нысаналы дәлізге кіру қажеттілігі ескеріле отырып қабылданғанын хабарлады.