Ұлттық банк 591 миллион доллар сатты

Шілденің қорытындысы бойынша теңге бағамы 1,4 пайызға нығайып, бір доллардың бағасы  445,89 теңге болды. Бұл ретте Ұлттық банк шілде айында валюталық интервенция болмағанын хабарлады.

«Шілде айының қорытындысы бойынша теңге бағамы 1,4 пайызға нығайып, бір доллардың бағасы 445,89 теңге болды. Қазақстан қор биржасындағы орташа күндік сауда көлемі бір айда 122 миллион доллардан 146 миллион долларға дейін өсті. Сауданың жалпы көлемі 2,9 млрд доллар болды»деп хабарлады Ұлттық банктен.

Соңғы айда квазимемлекеттік сектор субъектілерінің валюталық түсімдерді сатуы шамамен 195 млн доллар болғаны айтылды. Квазимемлекеттік сектор компаниялары екінші деңгейлі банктер арқылы валюта нарығында өз бетінше сатуды жалғастыруда.

Шілдеде Ұлттық қордан республикалық бюджетке трансферттерді қамтамасыз ету бойынша шетел валютасын сату 591 млн доллар болды. Ұлттық қордан түскен сату үлесі жалпы сауда көлемінің 20 пайызынан немесе күніне 30 миллион доллардан аспады. Ұлттық банк Ұлттық қор қаражатымен операцияларды жүзеге асыру кезінде нарықтық бейтараптық қағидатын сақтайды. Бұл шетел валютасын тұрақты және біркелкі сатуды білдіреді. Айтылғандай, бұл тәжірибе Ұлттық қор операцияларының валюта нарығына әсерін барынша азайтуға мүмкіндік береді.

Хабарланғандай, БЖЗҚ зейнетақы активтерінің валюталық үлесін 30 пайыз деңгейінде ұстап тұру үшін Ұлттық банк шілде айында жалпы сомасы 240 миллион долларды құрайтын шетел валютасын биржалық аукциондарда сатып алуды жалғастырды, немесе нарықтың жалпы көлемінің шамамен 8 пайызын құрайды.

Аталып өткендей, Ұлттық банк шілде айында валюталық интервенция жүргізген жоқ.

«Тамыз айында Ұлттық қордан нақты сату көлемі Қаржы министрлігінің республикалық бюджетке трансферттерді бөлуге арналған өтінімдеріне байланысты болады. Қаржы министрлігінің қажетті трансферттер көлемі бойынша болжамды нұсқауларын негізге ала отырып, республикалық бюджетке трансферттерді бөлуге қатысты. Ұлттық Банк Ұлттық қордан 750-ден 800-ге дейінгі сомаға шетел валютасын сатуды жоспарлап отыр, тамызда БЖЗҚ зейнетақы активтерінің валюталық үлесін сақтау үшін шетел валютасын сатып алу 200-ден 250 миллион долларға дейін болады деп күтілуде»делінген хабарламада. 

Ұлттық банк тамыз айынан бастап 2023 жылдың соңына дейін активтерді сенімгерлік басқару шеңберінде «Қазақстанның депозиттерге кепілдік беру қоры» АҚ (ҚДҚҚ) активтерінің валюталық үлесін кезең-кезеңімен ұлғайтады.

Атап өткендей, Ұлттық банк ҚФГД шешіміне сәйкес, арнайы резервтік портфелдегі шетел валютасындағы активтердің үлесі 15 пайызға дейін өседі. Жыл соңына дейін шамамен 140 миллиард теңгеге шетел валютасын сатып алу жоспарлануда, оның ішінде тамыз айында 50-ден 100 миллион долларға дейін сатып алынады деп атап өтті.

«Ұлттық банк транспаренттілік қағидаты аясында валюта нарығындағы барлық операциялар бойынша толық ақпаратты ашуды жалғастырады. Қысқа мерзімді перспективада теңгенің динамикасы нарыққа қатысушылардың күтуіне, тоқсан сайынғы салық төлемдеріне, сондай-ақ валюта рыногындағы сауда-саттыққа байланысты болады. әлемдік нарықтардағы жағдай және геосаяси жағдайдың өзгеруі Ұлттық банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді айырбас бағамын қалыптастыруды ұстануды жалғастырады»деді банк.