Құлсары қаласының бұрынғы әкіміне қатысты бейнежазба тарады

Қазнетте Атырау облысы Құлсары қаласының бұрынғы әкімінің бейнежазбасы талқыланып жатыр.

Бейнежазба Telegram арналарда таралған. Кадрдан Құлсарының бұрынғы әкімі Қаржау Шарғабаев түйіншекті көрсетіп, оны басқа адамдардың өтініші бойынша алып кетуге келгенін айтқаны байқалады. Ер адамның айтуынша, оған пакетте дәрі бар деп айтылған. Экс-әкім видео авторының сұрақтарына жауап береді. Бейнежазбадан байқалғандай, Қаржау Шарғабаевтың беті көгерген.

Полиция аталған факті бойынша тексеру жүргізіліп жатқанын хабарлады.

– Нәтижелер туралы кейінірек хабарлаймыз, - деп атап өтті Атырау облысы ПД баспасөз қызметі.

Кейін Шарғабаев Facebook-тегі парақшасында бейне хабарлама жариялады. Оның айтуынша, бейтаныс адамдар оны ұрып-соққан. Ер адам денесіндегі соққылардың іздерін де көрсетті.