LRT құрылысы 2024 жылдың соңында аяқталатын болды 

Астанадағы LRT құрылысы 2024 жылдың соңына таман аяқталады. Бұл туралы қала әкімі Жеңіс Қасымбек өз жауабында айтты.

Елорда әкімінің айтуынша, LRT құрылысының қайта жандануы  2022 жылы басталды. Енді күрделі құрылыс жұмысын 2024 жылдың соңына дейін аяқтау көзделіп отыр. 

 - Алғашқы соманы былтыр үкімет қарастырды. Биыл бұл нысанның құрылысы тоқтаусыз түрде жүргізіліп жатыр. Жұмылдыру жұмыстары, сондай-ақ LRT-де жұмыс істейтін болашақ пойыздар, техника бойынша аванстық төлемдер жүргізілуде. Жоба жұмысы 2023-2024 жылдар аралығында жүзеге асырылады деп жоспарланған. Ал келесі жылдың аяғына дейін толық іске қосылуы тиіс, - деді қала әкімі.