LRT ісі бойынша айыпталушы бостандыққа шығарылды

Astana Innovations басқармасының бұрынғы төрағасы, «Астана LRT» ісі бойынша айыпталушы Талғат Әшім бостандыққа шықты.

«Менің клиентім Талғат бостандықта! Ол ешқайда кетпеу туралы қолхатпен шықты» деді оның адвокаты Джохар Өтебеков өзінің Facebook-тегі парақшасында.

Естеріңізге сала кетейік, 2021 жылдың мамыр айында сот «Астана LRT» ісі бойынша үкім шығарды. Жеті сотталушыға жетіден 10 жылға дейін колония берілді. Әшім жеті жылға бас бостандығынан айырылды.

Содан кейін қалалық сот үкімнің күшін жойды. Іс прокурорға негізгі сот ісін тағайындауға кедергі келтіретін маңызды бұзушылықтарды жою үшін қайтарылды.

Тергеу мәліметінше, LRT құрылысы кезінде 5,8 млрд теңге ұрланған. Елорда әкімінің бұрынғы орынбасары Қанат Сұлтанбеков пен Астана LRT басқармасының бұрынғы төрағасы Талғат Ардан қылмысты ұйымдастырушылар болып саналады. Екеуі де халықаралық іздеуде. Соңғы мәліметтер бойынша, Ардан Түркияда, Сұлтанбеков АҚШ – та жасырынып жүр.

Сонымен қатар, Сұлтанбековтың жұбайы Instagram-да Манхэттендегі сәнді өмірдің суретін салып: «мен өзіме бай болуға рұқсат бердім!» деп жазды.

Қазақстандықтар Сұлтанбеков пен Арданның шынымен іздеу жарияланғанына күмәнданды. Өйткені, олар Интерпол сайтында іздеушілер тізімінде жоқ. Бас прокурор Ғизат Нұрдәулетов барлық елден қашқандар туралы ақпарат Интерполдың сайтында орналастырылмағанын, негізінен онда кісі өлтіру, террористік қылмыстар және қарақшылық деген күдіктілердің деректері жарияланатынын түсіндірді.