Лондонның қаржы орталығынан «марихуана фабрикасы» табылды

Ұлыбритания полициясы Лондонның қаржылық және тарихи орталығы болып табылатын Сити ауданынан марихуана өсіретін үлкен ферманы анықтады, деп хабарлайды ORDA департаменттің ресми сайтына сілтеме жасап.

Полицияның мәліметіне сүйенсек, Англия банкінің жанындағы ғимараттан 826 марихуана өсімдігі табылған. Айта кетсек, бұған дейін полицияға «марихуананың қатты иісі» туралы хабарлама түскен. Бұл Лондондағы қаржы орталығында алғаш рет жасырын өсіру фермасы ашылды, деп хабарлады полиция.

«Бұл қаладағы алғашқы марихуана фабрикасы. Пандемия кезінде пайда болғаны сөзсіз. Себебі сол кезде көшеде адамдар аз болды», - делінген полиция хабарламасында.