«Ломбарқа өткізген»: Алматыда фельдшер науқастың алтынын шешіп алған

Алматы қаласында жедел жәрдем қызметінде жұмыс істейтін фельдшердің ерсі ісі әшкере болды. Ол жедел жәрдем көлігінде ессіз жатқан науқастың алтын алқасын шешіп алып, ломбарқа өткізіп жіберген, деп хабарлайды Orda.kz. 

Әйелдің мойнындағы алтын алқаның құны 1,5 млн теңге тұратын болған.

Анасының мойнындағы зергерлік бұйымның жоғын байқаған ұлы бейнежазба арқылы ұрлықты анықтады. Кейін ол полицияға арыз түсірді. 

Оқиға барысында науқас ессіз күйде жатқан, ал фельдшер алқаны шешіп, кейін оны ломбардқа өткізген. Қазіргі таңда фельдшер жұмыстан босатылып, тиісті шаралар қабылданып жатыр.