Ливияның бұрынғы көсемі Муаммар Каддафидің ұлын атып кетті

Ливияның бұрынғы көсемі Муаммар Каддафидің ұлдарының бірі Саиф Каддафиді( Саиф әл-Ислам Каддафи) өз үйінің бақшасында атып өлтіріп кетті, деп хабарлайды Orda.kz. 

53 жастағы Саиф Каддафи Ливияның батысындағы Зинтан қаласы маңында қаза болған. Оның жақтастарының мәліметінше, қарулы төрт адам үйге басып кіріп, бейнебақылау камераларын өшіріп, атып кеткен.

Марқұмның серіктестері БҰҰ мен халықаралық ұйымдарды оқиғаға байланысты тәуелсіз тергеу жүргізуге шақырды.

Саиф Каддафи - Ливияны 1979-2011 жылдары басқарған Муаммар Каддафидің екінші ұлы. Саиф Каддафи ресми түрде лауазымды қызмет атқармаған. Алайда 2011 жылы әкесінің режимі құлағанға дейін сыртқы саяси келіссөздер мен ішкі істер мәселелеріне жетекшілік еткен. Ұзақ уақыт бойы Ливиядағы саяси күрестің ортасында жүрді. Саиф Каддафи әкесінің бас мұрагері ретінде қарастырылған. 

Оқи отырыңыз: 

• Қазақстан азаматтары Үндістанға тегін визамен бара алады
• Қысқы Азия ойындары Алматыда өтеді
• Украина ресейлік клубтарды Еуропа додаларына қатыстыруға қарсылық танытты