Ливан астанасында Хезболла қолбасшысы қаза тапты

Израиль қорғаныс күштері (ЦАХАЛ) Ливанға әуе шабуылын жасады. Жарылыстан «Хезболланың» операциялық қолбасшысы Ибрагим Акил қаза тапты. Ливан билігі де шабуыл кезінде кемінде сегіз адамның қаза тапқанын хабарлады.

Әл Жазира басылымының хабарлауынша, шабуыл 20 қыркүйекте жергілікті уақыт бойынша сағат 16:00-де болған. Ливанның денсаулық сақтау министрлігінің мәліметінше, Бейруттың оңтүстік шетіндегі әуе соққылары салдарынан кемінде сегіз адам қаза тауып, 59 адам жараланған. Шабуыл құрбандарының арасында бес бала бар.

Сондай-ақ Израиль әскерилері Ибрагим Акилден басқа Ливандағы әл-Хадж Радван күштері тобының құрамындағы арнайы бөлімшелерге жататын Хезболланың басқа да жоғары лауазымды басшыларының қаза тапқаны хабарланды.

Бұдан бұрын хабарланғандай, Израиль қорғаныс күштері (ЦАХАЛ) Бас штабының басшысы Герци Халеви «солтүстік майданда» Ливанмен шекарада соғыс қимылдарын жалғастыру жоспарын мақұлдады.