Литвада Pfizer вакцинасын қабылдаған әйел қайтыс болды

Литваның Паневезис қаласында 80 жастағы әйел Pfizer-BioNTech вакцинасын қабылдағаннан кейін қайтыс болды, деп хабарлайды ORDA. Delfi басылымына сілтеме жасап.

– Әйелге Pfizer-BioNTech вакцинасы егілді. Вакцинадан кейін ол 15 минуттық бақылауда болды. Көп ұзамай ол еріктілерге қатты дем алып жатқанын, оған ауа жетпейтінін айтты. Еріктілер оны таза ауаға шығарғанда әйел құлап түсті. Оқиға орнына жедел жәрдем көлігі келді, деді Паневезис муниципалитеті басшысының орынбасары Казимерас Армонавичюс.

Паневезис жедел жәрдем станcасының директоры Рута Рамошкиене 1941 жылы туылған әйелге кардиореттегіш орнатылғанын айтты.

– Біз оны білеміз, оның денсаулығында мәселе болған. Менің ойымша қобалжу болды. Вакцина мұндай жылдам реакцияға ие бола алмайды. Бірінші вакцинадан кейін белгілерді кешке қарай сездік, ал күндіз вакциналанған кейбірінің температурасы келесі күні ғана болған, дейді дәрігер.