Лисаков қаласында өгей қызын бір жыл бойы зорлаған ер адам ұсталды

«НеМолчи» қоры қыздың алғаш рет 13 жасында зорланғанын мәлімдеді, деп хабарлайды Orda.kz.

Қостанай облысының полицейлері кәмелеттік жасқа толмаған қызға жыныстық зорлық көрсетті деген күдікпен Лисаков қаласының тұрғынын ұстады.

«НеМолчи» қоры ер адамның 13 жасар өгей қызын бір жылдай зорлағанын хабарлады. Құқық қорғау органдары қазір «16 жасқа толмаған адамға қатысты сексуалдық сипаттағы әрекеттер» бабы бойынша сотқа дейінгі тергеу жүріп жатқанын айтты. 

«Күдікті қамауға алынып, сот қамауға алу түріндегі бұлтартпау шарасын санкциялады. Ол жеке ұйымда жалдамалы қызметкер болып жұмыс істеген. Басқа мәліметтер тергеу мүддесі үшін жарияланбайды», деп хабарлады Қостанай облысының полиция департаментінен. 

«НеМолчи» қоры күдіктінің жеке басы туралы сәл басқаша ақпарат жариялады. Айтуларынша, ұсталған азамат Лисаков қаласындағы белгілі кәсіпкер. 2020 жылы қалалық мәслихаттың депутаты болған. Сондай-ақ оның ұзақ жылдар бойы мешіттерге қаржылай көмек көрсеткені де айтылады. 

Айналасындағылар оны ашық-жарқын, жанашыр адам деп сипаттады.

Тексерілмеген мәліметтерге қарағанда, бала зорлық-зомбылық туралы аудиожазба жасауға мәжбүр болған. Көршісі соңғы алты айда қыздың ешкіммен сөйлеспей, тұйықталып, қатты өзгергенін айтқан.

Бұған дейін Жетісу облысында «АМАНАТ» партиясының бұрынғы қызметкері Серікқан Жақыпов жеті жасар жиеніне азғындық жасағаны үшін сот өмір бойына бас бостандығынан айырылғаны белгілі болды.