Линдердің бауыры бас бапкердің қызметінен кетуіне қатысты пікір білдірді

Ауыр атлетикадан Қазақстан ұлттық құрамасының бас бапкері Бақыт Ахметов қызметінен босатылды. Альберт Линдердің ағасы Семен Линдер осыған қатысты пікір білдірді.

Бұл туралы Orda.kz хабарлады.

Оның айтуынша, 18 қазанда ҚР Спорт және мәдениет министрі Ақтота Райымқұловамен кездесу өтті. Министр сұраныстарға бірден жауап беріп, тәртіпті қалпына келтіру бойынша шаралар қабылдаған.

– Лауазымға лайық емес жаттықтырушыларды жұмыстан шеттетті. Өз бақылауына алды! Мықты және әділ әйел! Мен оны құрметтеймін! Әділдігіңізге рахмет! Сізге шексіз ризашылығымды білдіремін! - деп жазды Семен Линдер өзінің парақшасында.

Ол сондай-ақ президент Қасым Жомарт Тоқаевқа ризашылығын білдірді.

Еске салсақ, 17 қыркүйекке қараған түні қазақстандық ауыр атлет Альберт Линдер қайтыс болды. Ол 25 жаста еді. Қазақстандық зілтеміршінің өліміне қатысты қылмыстық іс қозғалды.