Әлия Назарбаева Қоры мен РОП операторы арасында қандай байланыс бар?
Әлеуметтік желіде Елбасының кенже қызы Әлия Назарбаеваның Әлеуметтік маңызы бар бастамаларды дамыту қорына қатысты тергеу жүріп жатқаны туралы ақпарат тарады. Orda.kz редакциясы оқиғаның мән-жайын анықтады.
Әлеуметтік желілерде Сыбайлас жемқорлыққа қарсы қызмет «Әлеуметтік маңызы бар бастамаларды дамыту қорына» қатысты тексеру жүргізді деген ақпарат тарады. Ұйымның негізін қалаушы – Әлия Назарбаева, ал директоры – Ермек Мәжитов. Жұртшылықтың хабарлауынша, соңғысын департамент қызметкерлері жауап алуға шақырып қойған.
Orda.kz редакциясы Ермек Мәжитовке хабарласты. Ол Қорға және өзіне қатысты тергеу туралы ақпаратты жоққа шығарды.
«Алғашқы дереккөз кім екен деп бірден ойландым. Қорға қатысты тергеу жүргізілмеді, ондай ештеңе де жүріп жатқан жоқ. Бәрі жақсы. Егер мені шақырса, мұндай нәрсе болып жатқанын білер едім. Ештеңе жоқ. Менің РОП операторына қатысым жоқ, компанияда жалдамалы жұмысшы болдым, енді онда жұмыс істемеймін. Маған қатысты ешқандай тергеу жүргізілмеді. Шынымды айтсам, мен оны оқығанда біраз шошып кеттім» деді Ермек Мәжитов телефон арқылы сөйлескенде.
Қор директоры РОП Операторында орындаушы болғанын, компания иелерімен араласпағанын және бұл іс бойынша тергеу туралы білмейтінін айтты.
Айта кетсек, Ермек Мәжитов Әлия Назарбаеваның қоқыс өңдеу компаниясының бұрынғы басшылығымен бірінші рет кездесіп отырған жоқ. «Әлеуметтік маңызы бар бастамаларды дамыту қорында» Свитлана Коротенко бұған дейін басқарма төрағасы болған, ол көліктерді қайта өңдеу үшін ірі көлемдегі ақшаны жымқырды деген күдікке ілінген.
Әлия Назарбаева Қоры: шығыс киносының орнына бастамалар
Әлеуметтік маңызы бар бастамаларды дамыту қоры бастапқыда «Восток кино» жеке қоры деп аталды. Оны 2014 жылдың шілдесінде Әлия Назарбаева құрған. Ол Юрий Орловты директор етіп тағайындады. Елбасының кенже қызы ұрпақтарын шыңдауға бел буып, шетелден жалдамалы жұмыс күшін тартқан көрінеді.
Қордың басқарма төрағасы болып Украина азаматы Свитлана Коротенко атанды, оның есімі барлық ресми құжаттарда осылай аталады. Ол «Восток киноны» бар болғаны бір жыл «басқарды». 2015 жылдың қазан айында Свитлана Коротенко мен Әлия Назарбаеваның келісімшарты бұзылды. Бірақ олардың ынтымақтастығы мұнымен тоқтап қалмады. Алты айдан кейін Свитлана Әлия Назарбаеваның ең атақты туындысы – «РОП Оператор» кәдеге жаратуға болатын барлық заттарды кәдеге жарату жөніндегі компанияда директорлық креслоға отырды.
Ермек Мәжитов 2019 жылдың қыркүйегінде директор қызметін Мұрат Исахановтың орнына келіп, алмастырды.
Қор соңғы бірнеше жылда біршама жақсы жұмыс істеп келеді. Өткен жылдың өзінде ұйым мемлекет қазынасын 10 млн теңгеге толықтырған. Барлығы 2015 жылдан бері 43,7 млн салық төленген.
Әлия Назарбаеваның өзі айтқандай, ол «Үздіксіз экологиялық, гуманистік білім мен тәрбие берудің біртұтас жүйесін дамыту» Қорын құрды. Халықаралық және қазақстандық сарапшылар жас ұрпақтың тұлғалық қасиеттерін қалыптастыру және дамыту үшін ұстаздар мен ата-аналардың қажеттіліктерін анықтау мақсатында зерттеу жүргізді.
Осындай ауқымды жұмыстан кейін Әлия Назарбаеваның ұйымы Жаһандық мұғалімдер сыйлығының ресми өкілі атанды. Әлеуметтік маңызы бар бастамаларды дамыту қоры Білім және ғылым министрлігімен бірлесіп «Әлем мұғалімі» халықаралық байқауын өткізуге бастамашы болды. Әлия Назарбаева 4 млн теңге сыйақы тағайындады. Ол Қазақстанның үздік мұғалімдеріне беріледі. Байқау аясында қазақ мұғалімдері тіпті 1 млн долларға таласқа түсті.
Сыйлықтың бас серіктесі – «Samruk-Kazyna Trust» әлеуметтік жобаларды дамыту қоры.
Ермек Мәжитов туралы не белгілі?
Ермек Мәжитов Әлия Назарбаеваның басқа компаниясы – «Эко Ұмай» компаниясында директор болып тіркелген, сонымен қатар онымен бірге тұтас бір корпорация – «Ұмай» холдингіне иелік етеді.
Эко Ұмай баспа ісімен айналысады. Серіктестік Нұр-Сұлтан қаласы Әлихан Бөкейхан көшесі 27 үйде.
Аталған мекенжайда Ұмай холдингіде орналасқан. ЖШС-ны бұған дейін Әлия Назарбаева атындағы Әлеуметтік маңызы бар бастамаларды дамыту қорының директоры болған Мұрат Исаханов басқарды. Холдинг қожайындары ретінде дәл осы адамдар – Елбасының қыздарының кенжесі Әлия Назарбаева мен Ермек Мәжитов көрінеді.
«Ұмай» холдингі өзінің негізгі қызметі – «коммерциялық қызмет және менеджмент бойынша кеңес беру» қызметімен қатар Әлия Назарбаева бастамашы болған «Әлем мұғалімі» сыйлығының финалистерін де марапаттағанын айта кеткен жөн. Ынталандыру сыйлықтары Ұлттық Банктің теңге сарайы шығарған ең жоғары стандартты алтын құймалар болып табылады.
Жаңалықтар
- Жаттығу кезінде жарылған гранатадан зақым алған полицей ауруханаға түсті
- Биылғы түлектерге мектеп бітіру күнін қалай тойлайды?
- Қостанай облысында полицейді өлтірді деген күдікті ұсталды
- Гүлмира Сатыбалдаға қатысты алғашқы алдын ала тыңдау қалай өтті?
- Жылыой ауданында 100-ден астам отбасы бүлінген жылжымайтын мүліктерін бағалау қорытындысын алды
- Теңіздегі ұзақ мерзімді құрылыс нысанының бас мердігерінің басшылығы ауысты
- Мемлекет басшысы Германия экономикасының Шығыс комитеті басқармасының төрағасын қабылдады
- ЕО Израильді Рафахтағы әскери операциясын дереу тоқтатуға шақырды
- Қарағанды әкімі қала маңында ілінген плакаттарды сынға алды
- Қазақстан мұнай өндіруді арттыра ма?
- Утиль алымға қарсы петиция екі аптада 12 мың қол жинады
- Алматыдағы Гагарин даңғылының бір бөлігі әншінің құрметіне берілуі мүмкін
- Гүлзада Сержанға 50 АЕК көлемінде айыппұл салынды
- ҰҚК академиясының түлегі «Қазақстан инжиниринг» ұлттық компаниясын басқарды
- Әйелі зорлық-зомбылық көргенін мәлімдеген қазақстандық дипломаттың ісі туралы айтылды
- Қазақстандық азамат шетелдік компаниядан 180 миллион доллар бопсалаған
- Қазақстан бұрынғы уақыт белдеуіне оралуы мүмкін
- Әбіләзовтың сыбайласы Бельгиядан Қазақстанға оралды
- Құлсары қаласының тұрғындары Жылыой ауданы әкімдігінің ғимараты алдында митинг өткізді
- Маңғыстау облыстық полициясы, ҰҚК, прокуратура басшылары отставкаға жіберілді