Әлия Назарбаева әлеуметтік желіде жазба жариялады

cover Фото: arasha.kz

Қазақстанның тұңғыш президентінің кіші қызы Әлия Назарбаева елдегі соңғы жағдайларға қатысты пікірін білдіріп, әлеуметтік желідегі ресми парақшасында жазба жариялады.

– Құрметті достар! Елімізде болып жатқан қайғылы оқиғалар жүрекке ауыр тиеді. Барлық қаза тапқандардың отбасыларына шын жүректен көңіл айтамын. Бұл бәріміз үшін сабақ және тарихымыздағы осы сипаттағы жағдайдың соңғысы болсын. Бейбіт уақытта адамдардың өлуі дұрыс емес, - деп жазды ол.

Әлия Назарбаева елдегі тәртіпсіздіктер кезіне өзіне қолдау білдірген қазақстандықтарға алғысын айтып, барша қазақстандыққа амандық тіледі.

– Сіздерден алған қолдау сөздеріңіз үшін алғыс айтамын. Сондай-ақ, қазіргі уақытта әкеме көрсетілген моральдық қолдау үшін де алғыс білдіремін, ол осы күндері әр облыстың тұрғындарынан көптеген хабарламалар алып жатыр. Қазақстанға тек бейбітшілік пен гүлдену, қазақстандықтарға амандық пен денсаулық тілеймін. Өзіңізді сақтаңыз, - деп жазды Әлия Назарбаева Facebook парақшасында.

Жаңалықтар

барлық жаңалықтар